Projekte
now browsing by category
Kujdesi ndaj ekosistemit natyror Shebenik nëpërmjet përdorimit racional dhe tradicional
AlbNatyra ka mbyllur projektin e tretë të mbështetur nga CEPF – Critical Ecosystem Partnership Fund, njëkohësisht dhe projekti i dytë në mbështetjen e biodiversitetit në kullotat alpine të parkut Kombëtar Shebenik.
Projekti ka arritur sukses të dukshëm në ruajtjen e biodiversitetit, zhvillimit socio-ekonomik, forcimit institucional dhe edukimit të komunitetit në Parkun Kombëtar të Shebenikut. Në bashkëpunim të ngushtë me AdZM Elbasan, projekti u përqendrua në mënyrë strategjike në përmirësimin e menaxhimit të kullotave alpine, veçanërisht në rajonin e Rrajcës të pa adresuar më parë, që ndodhet në pjesën juglindore të parkut. Këtu, vlen të përmendet prania pylli të vjetër të ahut 300-vjeçar, zonë e mbrojtur nga UNESCO, duke nxjerrë kështu në pah rëndësinë ekologjike të këtij zgjerimi të projektit.
Kjo nismë, duke shërbyer si vazhdimësi e projektit të mëparshëm, ruan një fokus thelbësor në nxitjen e praktikave të qëndrueshme dhe ruajtjen e biodiversitetit. Partneriteti me AdZM ka qenë vendimtar, i dukshëm në një marrëveshje të nënshkruar që përshkruan përgjegjësitë e ndërsjella, mbështetjen logjistike dhe angazhimin për ruajtjen e vlerave të biodiversitetit të parkut. Për sa i përket ndikimit të ruajtjes, projekti ka punuar drejt qëllimit të tij për të zgjeruar zonën nën kullotje të qëndrueshme të bagëtive nga 18% në 50% brenda pesë viteve. Në total parku ka 6760 ha kullota alpine, 610 ha është rreth 9 % që është përmirësuar falë mbështetjes së ofruar për barinjtë vendas. Kjo nismë përputhet me objektivin kryesor të dyfishimit të numrit të bagëtive në tre vitet e para.
Përfitimet socio-ekonomike janë të dukshme nëpërmjet angazhimit dhe mbështetjes së barinjve—Isa Allkja, Agush Hasa dhe Erion Biçaku—në mjetet alternative të jetesës, veçanërisht eko-turizmin. Një sesion trajnimi gjithëpërfshirës i udhëhequr nga eksperti Elton Caushi i pajisi këta barinj me informacionin për të shndërruar stanet tradicionale në bujtina miqësore me mjedisin. Duke parë përpara, projekti ka hedhur bazat për iniciativat e qëndrueshme të eko-turizmit. Trajnimi i barinjve dhe një vizitë e suksesshme në një sipërmarrje të ngjashme në Tragjas kanë dhënë njohuri praktike, duke nxitur entuziazmin për turizmin si një aktivitet ekonomik. Këta barinj fituan edhe kushte më të mira jetese duke i pajisur stanet e tyre me panele fotovoltaike dhe bateri, si dhe pajisje tualeti (wc dhe dushe).
Projekti rriti me sukses ndërgjegjësimin e komunitetit në lidhje me ruajtjen e bimëve endemike dhe biodiversitetit. Eksperti i kullotave alpine Hasan Deliu luajti një rol të rëndësishëm në seancat trajnuese, duke theksuar praktikat e përgjegjshme të grumbullimit të bimëve dhe rolin jetik të biodiversitetit në Parkun Kombëtar të Shebenikut. Si përmbledhje, projekti ka bërë hapa të rëndësishëm në dimensione të ndryshme, duke krijuar një bazë të fortë për qëndrueshmërinë e ardhshme të Parkut Kombëtar të Shebenikut, duke vazhduar në themelet e ndërtuara në projektin e parë. Qasja holistike që ndërthur ruajtjen, angazhimin e komunitetit dhe rritjen organizative e pozicionon projektin si një katalizator për ndryshime pozitive. Projektu u shtri edhe në arsimimin e brezit të ri me prezantime shkollore lidhur për rëndësinë e mbarështimin të bagëtive të imta si dhe vizita në terren. Në këto veprimtari morën pjesë 18 nxënës nga dy shkolla të qytetit të Librazhdit. Nisma synon të krijojë një kuptim të marrëdhënies simbiotike midis mbarështimit të blegtorisë, mbrojtjes së biodiversitetit dhe jetesës së qëndrueshme.
Gjithashtu, zbatimi i këtyre projekteve ka sjellë tek AlbNatyra një rritje të ndjeshme të kapaciteteve të saj. U zhvillua një plan strategjik 5-vjeçar dhe u miratuan vendimet kryesore, duke përfshirë ristrukturimin e bordit dhe tranzicionin e drejtimit të shoqatës. Përpjekjet në financat dhe burimet njerëzore janë duke u zhvilluar në mënyrë aktive, duke përmirësuar kuadrin e brendshëm të shoqatës.
Critical Ecosystem Partnership Fund – CEPF mbetet partneri ynë i mirë në mbrojtjen e biodiversitetit duke sjellë kështu projekte konkretë dhe gjithëpërfshirës në gamën e veprimtarisë për të arritut këtë objektiv dhe AlbNatyra shpreh mirënjohjen e saj për këtë mbështetje domethënëse.
Të rinjtë për natyrën e Parkut Kombëtar Shebenik
Gjatë fundjavës kishim kënaqësinë të zhvillonim ekspeditën e radhës me nxënësit shkollës “Vilson Blloshmi”, dhe këtë herë shprehën dëshirën e na u bashkuan edhe nxënës pak më të vegjël por të appasionuar pas natyrës, nxënësit e shkollës “Genc Leka”.
Së bashku, eksploruam natyrën, mësuam për mjedisin dhe diskutuam mbi rëndësinë që ka përkujdesja për të.
Ndalesa e parë ishte “Qendra e Vizitorëve”, ku fëmijët mësuan për llojet e ndryshme të bimëve dhe kafshëve që e quajnë parkun e Shebenikut shtëpinë e tyre. Nga zogjtë mahnitës deri te kafshët e fshehura, kishte shumë për të zbuluar dhe kuptuar mbi biodiversitetin e parkut dhe rëndësinë që ai ka.
Vazhduam ecjen më tej në park, ku u përshëndetëm nga pamja e mrekullueshme e Liqenit të Fushës së Studnës i cili shtrihet mbi fushen e stergjatur perbri pyjeve te larta te ahut.
Gjatë ecjes tonë mësuam mbi praktikat e monitorimit të zonave të mbrojtura dhe gjithashtu zhvilluam një monitorim të dendësisë të bimës së Salepit (Orchis mascula), ku shënuam më shumë se 200 specie të kësaj bime në zonën përreth Liqenit! Me këtë ekspeditë, synuam jo vetëm të edukojmë dhe frymëzojmë këto mendje të reja dhe rritjen e kapaciteteve monitoruese por edhe të kultivojmë një ndjenjë përgjegjësie ndaj mjedisit tonë. Duke dëshmuar bukurinë e Parkut Shebenik, shpresojmë të rrisim te këta nxënës një pasion për ruajtjen e mjedisit që do të
zgjasë gjithë jetën.
Ky aktivitet mbeshtetet Prespa Ohrid Nature Trust (PONT ) nnepermjet projektit “Strengthening the role of local community as an important stakeholder for biodiversity protection”.
Ne mbeshtetje te fermereve te rinj te Shebenikut
Kishim kënaqësinë të mirëpritnim në një vizitë në zonën tone të projektit, përfaqësuesit e PONT dhe CEPF, të cilët janë mbështetësit e dy projekte aktuale që po zbatojmë. Gjatë kësaj vizite, u takuam dhe na priti në stanin e tij, Tafil Allkja së bashku me dy djemtë e tij, Kastriotin dhe Isain.
Është frymëzuese të shohim punën e palodhur të banorëve vendas dhe vlerësojmë gjithmonë rolin dhe ndihmën që mbarështrimi i bagëtive të imta.
Dy vellezerit kane vendosur te mbarshtojne bagetite e imta (dhi) te cilat gjate sezonit te veres por edhe pjeserisht ne dimer i kullosin ne pyjet dhe kullotat e Parkut Kombetar Shebenik.
Shoqata AlbNatyra po punon për mbeshtetjen e barinjve te rinj si nje brez i cili duhet te mesoje me shume per mbrotjen e mjedisit, bimeve te rrezikuara por edhe rritjen e ekonomise lokale.
Nepermjet mbeshtetjes te siguruar nga CEPF, ne jemi duke vazhduar me procesin e ndergjegjesimit, komunikimit dhe nxitjes te komunitetit dhe te barinjve per mbrojtjen e specieve te rrezikuara ne park.
Ne zbatim te aktiviteteve te projektit do te mbeshtesim keto barinj me disa aksesore te nevojshem dhe jetesore per ta, si; panele diellore, permiresimin e kushteve higjenes dhe mjete te tjera te domosdoshme.
Të rinjtë kontriboujnë për mjedisin e parkut kombëtar Shebenik
Klubi i Mjedisit të shkollës ‘Shefqet Dosku’’ në Dorëz, së bashku me stafin e AdZM Elbasan krahas viztës të realizuar në Shpellën e Akullit pikturuan koritën e ujit të bagëtive, e cila është ndërtuar vitin e shkuar nga projekti i mbështetjes së blegtorëve zbatuar nga AlbNatyra dhe finacuar nga CEPF.
Kjo veprimtari u zhvillua si pjesë e programit mjedisor financuar nga PONT dhe CEPF.
Fotot flasin vetë andaj ju ftojmë të shikoni se çfarë pune e bukur është bërë sot, ky është një nga postimet e shoqatës AlbNatyra në fanpage të facebook-ut.
Shoqata AlbNatyra gjatë kësaj periudhe po zhvillon një sërë aktivitetesh që kanë të bëjnë me menaxhimin dhe mbrojtjen e parkut, sidomos në aktivimin e komunitetit dhe shoqërisë civile për të reaguar në situata emergjente që mund të shfaqen në mjedisin e parkut kombëtar Shebenik.
Prespa Ohrid Nature Trust (PONT)
Sigurohet ujë i pijshëm për bagëtitë në kullotat e parkut kombëtar Shebenik-Jabllanicë
Rreth 400 kokë dele sot në këto temperatura të larta, kanë mjaftueshëm ujë të pijshëm, ku AlbNatyra ka ndërtuar dhe rehabilituar 2 korita uji të cilat kanë përmasa: 20 metra të gjata dhe 40×40 cm.
Mungesa e ujit të pijshëm për bagëtitë ka sjellë një përkeqësim të kushteve për mbarështimin e tyre. Numri i tyre vitet e fundit po reduktohet dukshëm, kjo për pasojë edhe e mungesës së mbështetjes së barinjve me kushtet bazë të nevojshme.
Shoqata AlbNatyra pas përfundimit të Koritave do të përmirësojë kushtet e higjienës sidomos të banjove të cilat sot janë mjaft të vështira. Së pari do të realizohet ndërtimi i gropave septike të cilat mungojnë.
Pas kësaj faze do të përmirësohet furnizimi dhe përdorimi i ujit në banjo me disa punime hidraulike. Gjithashtu do të sigurohen dushe me dru zjarri për të përmirësuar kushtet për barinjtë të cilët sot lahen në kushte jo normale.
Të gjitha këto po realizohen në kuadër të projektit “Mbrojtja e biodiversitetit në Kullotat e Parkut Kombëtar Shebenik-Jabllanicë” Minigrant i fituar dhe i mbështetur nga CEFP (Critical Ecosystem Partnership Found) nëpërmjet BirdLife International.
Mbështetja dhe bashkëpunimi me AdZM Elbasan ka qenë mjaft produktive dhe shpresojmë që në të ardhmen të realizojmë projekte të tjera më të rëndësishme.
Sigurohet internet për barinjtë në Shebenik
Në kuadër të projektit “Mbrojtja e biodiversitetit në kullotat e Parkut Kombëtar Shebenik-Jabllanicë” shoqata AlbNatyra mundësoi ndërtimin e një antene interneti e cila ju vjen në ndihmë blektorëve për përmirësimin e kushteve të komunikimit në stanet e tyre.
Kushtet e vështira në stane, që gjenden në zonat malore ka ndikuar në uljen e interesit për të mbajtur dhe shtuar numrin e bagëtive në kullotat alpine.
Për këto arsye me mbështetjen e BirdLIFE dhe nëpërmjet CEPF shoqata AlbNatyra nëpërmjet kompanisë “Interfiber” po bën të mundur furnizimin me sinjal interneti të disa staneve që gjenden në kullotat alpine.
Ky objektiv u arrit me sukses me kërkesë dhe me mbështetjen e AdZMElbasan si edhe me qëllimin kryesor mbrojtjen e biodiversitetit në Parkun Kombëtar Shebenik-Jabllanicë.
Pas kësaj faze AlbNatyra do të mbështesë barinjtë edhe me panele fotovoltaike për ndricim si edhe për përmirësimin e kushteve higjeno-sanitare kryesisht të mirëfunksionimit të banjove (gropa septike,paisje hidraulike dhe dushe).
Me përmirësimin e kushteve synojmë që të rinjtë ta shohin si një mundësi e mirë punësimi duke patur parasysh edhe përmirësimin e kushteve në stanet e Shebenikut.
Gjithsesi ky do të jetë një model që duhet zbatuar edhe në stanet e tjera që ushtrojnë aktivitetin e kullotave në Parkun Kombëtar Shebenik-Jabllanicë.
Inventarizimi i bimëve të kullotave në Parkun Kombëtar Shebenik-Jabllanicë
AlbNatyra është duke mbështetur blektorët për sigurimin e ujit të pijshëm për bagëtitë në Parkun Kombëtar Shebenik-Jabllanicë.
Ky aktivitet po zbatohet në kuadër të projektit “Mbrojtja e bimëve të rrezikuara në Parkun Kombëtar Shebenik-Jabllanicë” i cili financohet nga Critical Ecosystem Partnership Found #CEPF, nëpërmjet BirdLife International.
Rindërtimi dhe rehabilitimi i dy koritave për sigurimin e ujit të pijshëm për bagëtitë do të përmirësojë ndjeshëm kushtet për kullotat, të cilat ndikojnë direkt në mbrojtjen e kullotave nga ekspansioni i bimëve të tjera mbi kullota.
Shumë bimë të tjera si dëllinja, fieri, ahu dhe shkurre të tjera po pushtojnë kullotat për shkak të rënies së numrit të bagëtive në kullota, ku për pasojë kemi prishje të ekuilibrave floristike dhe kërcënim serioz të bimëve të rrezikuara.
Për këto arsye lind nevoja që të mbështetën blektorët me disa kushte që ata të mos vazhdojnë të abondonojnë këtë aktivitet mjaft të rëndësishëm.
AlbNatyra do të mbështesë disa nga stanet me internet dhe përmirësimin e kushteve higjeno-sanitare.
Projekti por realizohet në bashkëpunim me AdZM Elbasan nëpërmjet stafit të parkut si dhe me përfshirjen e aktorëve të tjerë lokal.
#CEPF #BirdLife_International #AdZMElbasan #Albanianature
Malet e Kuqe
Malet e Kuqe, kështu më kujtohet nga fëmijëria kur dëgjoja të moshuarit që diskutonin në ndonjë sebep apo takime të ndryshme të asaj kohe. Kush janë Malet e Kuqe?
Sot si çdo toponim i huaj që ka ngelur nga sundimet e ndryshme në vendin tonë, ashtu dhe ky mal sot quhet Shebenik. Nga disa të dhëna jo zyrtare thuhet që emri Shebenik ka ngelur për faktin që kur u punuan hartat ushtarake Shqiptare, ishin të përfshirë specialistë të ushtrisë Ruse dhe Jugosllave dhe qëllimisht këto emra jo vetëm që nuk u ndryshuan me emra Shqip por ndodhi e kundërta. Shumë emërtime dhe toponime u shënuan në gjuhën sllave. Fjala Shebenik nuk ka asnjë kuptim në gjuhën Shqipe, ndërsa Malet e Kuqe është emri origjinal që është trashëguar brez pas brezi në zonën e Librazhdit. Pse quheshin malet e kuqe? Ky emër mendohet të ketë ardhur për shkak se gjatë perëndimit të diellit këto maja malesh vezullojnë në gjyrë të kuqerremtë. Ky vezullim vjen për shkak se Malet e Kuqe (Shebenik) janë të përbërë nga shkëmbinj me mineral kromi dhe hekur-nikeli. Emri Shebenik përveç faktit që ngeli në hartat ushtarake të përgatitura nga rusët, u reklamua më shumë me vendimin e Këshillit të Ministrave nr.640 date 21.05.2008 ku ky vargmal u shpall Park Kombëtar me emrin “Parku Kombëtar Shebenik-Jabllanicë” . Këtu përsëri gabimi trashet duke i shtuar një toponim tjetër të huaj. Mali i Jabllanicës është në Lindje të fshatit Stëblevë. Një pjesë prej 100 hektarësh shtrihet brenda kufijve të Republikës së Shqipërisë, ndërsa pjesa më e madhe shtrihet brenda kufinjve të Republikës së Maqedonisë së Verit.
Nga informacionet që kemi marrë ky emërtim është vendosur me qëllim që ky park të shpallej në të dyja anët e kufirit si një park ndërkufitar, por që për fat të keq shteti maqedonas akoma nuk e ka shpallur atë sipërfaqe Park Kombëtar. Gjithsesi, si do që të jetë emri, sot ky park është një nga zonat e mbrojtura më të bukura të Shqipërisë me resurse natyrore të pafundme, si nga flora,fauna ashtu edhe nga hidrografia.
Thirrje për: Ekspert mjedisi
Emri i projektit: “Mbrotja e lumit Shkumbin nga ndotjet urbane“
P
Përshkrimi i projektit: Projekti ka si synim kryesorë të përmirësojë gjendjen e ndotjes aktuale të lumit Shkumbin nëpërmjet ndërgjegjësimit, aktivizimit të aktorëve të ndryshëm, analizës së situatës dhe hartimin e një plani veprimi për të ardhmen. Projekt i cili zbatohet në kuadër të Programit Rajonal Për Demokracinë Vendore në Ballkanin Perëndimore (ReLOaD). Ky projekt financohet nga Bashkimi Europian dhe zbatohet nga UNDP.
Qëllimi: Në zbatim të projektit, Shoqata Albnatyra ka si objektiv të ofrojë shërbimin e ekspertizës mjedisore “Hartimi i Planit të Veprimit për reduktimin e ndotjeve urbane në Bashkinë Librazhd” e cila do të kryhet nga një konsulent mjedisi (Inxh.Mjedisi).
Detyrat që do kryejë eksperti mjedisit: Hartimi i një Plani Veprimi për reduktimin e mbetjeve urbane në Bashkinë Librazhd, ku përfshihet analiza e situatës referuar edhe raportit të përgatitur nga monitorimi i ndotjeve urbane dhe analizave të kryera nga AlbNatyra për cilësinë e ujërave të lumit Shkumbin. Plani i Veprimit do të prodhohet dhe shumëfishohet në 80 kopje. Kohëzgjatja për përpunimin dhe botimin e këtij drafti do të jetë 2 muaj (Shkurt-Mars 2019) sipas kontratës që do të lidhet midis shoqatës dhe ekspertit të mjedisit që do të shpallet nga kjo proçedurë e hapur.
SPECIFIKIME TEKNIKE
Kriteret që duhet të plotësojë kandidati:
- Arsimi i lartë, diplomuar në fushën e Mjedisit (Ing.Mjedisi)
- Eksperiencë jo më pak se 3 vjet në fushën e mjedisit
- Të ketë licencë mjedisore (përbën favor)
- Të ketë eksperiencë si eskpert/konsulent projektesh në një organizatë/institucion.
- Të ketë të paktën 2 referenca për kontrata pune konsulence në fushën e mjedisit.
- Përbën favor nëse kandidati ka hartuar plane veprimi mjedisore.
- Aftësi komunikuese dhe drejtuese të punës në grup
- Të jëtë fleksibël me oraret e punës.
Detyrat që do të kryejë Eksperti Mjedisor:
- Hartimi i një plani veprimi për reduktimin e mbetjeve urbane në Bashkinë Librazhd të planifikuar në një periudhë afat mesme dhe afatgjatë.
- Grumbullimin e të gjitha informacioneve të mundshme dhe përpunimin e tyre në mënyrë tekniko-shkencore për ndikimin që kanë mbetjet urbane dhe parashikimi mbi mënyrat efiçente dhe me kosto normale për reduktimin në maksimum të ndotjeve duke parashikuar dhe rrugët dhe mundësitë ekonomike të Bashkisë Librazhd.
- Konsulenti për hartimin e planit të veprimit do ti referohet edhe studimit të kryer për monitorimin e mbetjeve urbane në territorin e Bashkisë Librazhd dhe analizave të ujërave të Lumit Shkumbin.
- Drafti do të hartohet dhe do të printohet nga vetë konsulenti në 80 kopje që do të shërbejë si udhërrëfyes se si Bashkia do të reduktojë në maksimum mbetjet duke përfshirë dhe aktorë të tjerë vendorë,rajonalë, kombëtarë,etj.
- Materialet të përgatiten edhe në versionin powerpoint duke marrë parasysh të gjitha rekomandimet e zbatuesit të projektit, si dhe do të prezantohet nga vetë konsulenti mjedisorë në konferencën përmbyllëse.
- Eksperti mjedisorë(Konsulent) do të ketë një afat dy-mujor për hartimin e këtij plani duke filluar menjëherë pas lidhjes së kontratës midis palëve.
- Draft-i i Planit të Veprimit do të merret në dorëzim nga një komision i ngritur nga Shoqata AlbNatyra i cili 10 ditë përpara dorëzimit përfundimtarë do të shqyrtohet nga komisioni përkatës.
- Versioni final i Planit të Veprimit duhet të përgatitet në një format të përshtatshëm për publikim dhe ai duhet të shumëfishohet në 80 kopje. Detajet teknike për publikimin do të bëhen të qarta nga Shoqata AlbNatyra dhe do të vendosen bashkarisht me ekspertin.
II. Dokumentat që duhen paraqitur nga kandidatët për ekspert mjedisi:
1. CV e aplikantit dhe diplomë (skanim me ngjyra)
2. Kualifikime të ndryshme mbi fushën e mjedisit
3. License Mjedisore (fotokopje)
4. Referenca nga punëdhënës apo nga OJF (me kontakte të plota të punëdhënësve)
Të interesuarit deri me datë 10.02.2019 të dërgojnë dokumentat e mësipërme në adresën e email-it [email protected]
Preferohen kandidatë që janë nga qyteti i Librazhdit apo brenda qarkut Elbasan.
